BolgeXeber.Com » Xəbərlər » Bakıda azərbaycanlıları bu kafeyə buraxmırlar

Bakıda azərbaycanlıları bu kafeyə buraxmırlar

2-03-2015, 10:34

Oxunub: 4 569

“Özümü alçaldılmış hesab edirəm”

Bakının mərkəzində - Tolstoy küçəsində yerləşən “Refresh” adlı “Pub-Kafe”yə azərbaycanlılar buraxılmır.

BOLGEXEBER.COM xəbər verir ki, bu barədə Arqument.Az-a jurnalist Pərviz Əzimov məlumat verib.

O bildirib:

“Şəhərdə “Refresh” adlı bir pub var. Dəfələrlə eşitmişdim ki, bu pub-a azərbaycanlıları buraxmırlar. Bu yaxınlarda tam dəqiqləşdirdim. Sən demə, dəqiq belə imiş. Kimliyindən, gender bərabərliyindən asılı olmayaraq azərbaycanlılara bu pub-a buraxılmır. Dress code olanda anlamaq olur ki, adamlar səviyyeni qorumaq istəyirlər. Ancaq umumi olaraq azərbaycanlıların (lap başqa millət olsun) Bakıda 1 pub-a buraxılmaması rasizmdir. Bir toplumun aşağılanmasıdır.

İkincisi, bu yazdığım vətənpərvərlik filan feyil, amma gəlin düşünək ki, Praqada bir pub var ve çexlər ora buraxılmır və ya Berlində almanlar pub-a buraxılmır. Bunu düşünə bilirsiniz? Rəsmən biabrçılıqdır. Ən azından ictimai qınaq yaratmaq lazımdır. Mən ora heç getməmişəm, getmək fikrində də deyiləm. Ancaq yenə də özümü alçaldılmış hesab edirəm”.
BOLGEXEBER.COM

Çox Oxunanlar