“Mənim hüquqlarım ” mövzusunda seminar keçirilib

Bolgə.TV xəbər vetir ki, 07 iyun 2023-cü il tarixdə Ailə, Qadın və Uşaq Problemləri üzrə Dövlət Komitəsinin Hacıqabul Uşaq və Ailələrə Dəstək Mərkəzinin (UADM)  təşkilatçılığı ilə “Mənim hüquqlarım ” mövzusunda Hacıqabul rayon Kürçülü kəndində şagirdlərlə seminar keçirilib.                           

Seminarda Hacıqabul UADM-in əməkdaşları, Dini Qurumlarla İş üzrə Dövlət Komitəsinin Şirvan Regional Bölməsinin Hacıqabul rayon üzrə nümayəndəsi- Sadiq Məmmədov və şagirdlər iştirak ediblər. 

Seminarda çıxış edənlər Hacıqabul Uşaq və Ailələrə Dəstək Mərkəzinin  direktoru Aynur Əsədova, Dini Qurumlarla İş üzrə Dövlət Komitəsinin Şirvan Regional Bölməsinin Hacıqabul rayon üzrə nümayəndəsi- Sadiq Məmmədov uşaqların hüquq və vəzifələri haqqında danışılıb, ölkəmizdə uşaq hüquqlarının qorunması üçün aidiyyatı qurumların fəaliyyətləri  barədə məlumat verilib.

Seminar diskusiya şəklində davam etdirilib, iştirakçılarının sualları cavablandırılıb, mövzu ilə əlaqəli flayer və stikerlər paylanılıb. 

Hacıqabul Uşaq və Ailələrə Dəstək Mərkəzinin direktoru: Aynur Əsədova