BolgeXeber.Com » Bölgə » "20 oktyabr- 20 noyabr Uşaq hüquqları aylığı" ilə əlaqədar tədbir keçirilib

"20 oktyabr- 20 noyabr Uşaq hüquqları aylığı" ilə əlaqədar tədbir keçirilib

1-12-2023, 11:11
Oxunub: 2 128

Bolgə.TV xəbər verir ki, "20 oktyabr- 20 noyabr Uşaq hüquqları aylığı" ilə əlaqədar tədbir keçirilib.

13 noyabr 2023-cü il  tarixində Ailə, Qadın və Uşaq Problemləri üzrə Dövlət Komitəsinin Hacıqabul Uşaq və Ailələrə Dəstək Mərkəzi (UADM)  və Tarix-Diyarşünaslıq Muzeyinin birgə  təşkilatçılığı ilə Tarix-Diyarşünaslıq Muzeyində  "20 oktyabr- 20 noyabr Uşaq hüquqları aylığı" ilə əlaqədar tədbir  keçirilib.

Tədbirdə müvafiq qurumların əməkdaşları, məktəblərin müəllim və şagird kollektivi iştirak ediblər.

Tədbirdə qeyd edilib ki, cəmiyyətin həssas təbəqəsi olan uşaqların müdafiəsi ölkəmizdə daim diqqət mərkəzindədir, uşaqların inkişafı və hüquqlarının qorunmasında, vətənpərvərlik, milli-mənəvi dəyərlərimizə hörmət ruhunda tərbiyə olunmasında, layiqli vətəndaş kimi formalaşmasında dövlətlə yanaşı, cəmiyyətin hər bir üzvü məsuliyyət daşıyır.

 Tədbirin gedişatında Tarix-Diyarşünaslıq Muzeyinin rəssamı- Heyran Xancanova tərəfindən məktəblilərə ustad dərsi keçirilib.

Tədbirin sonunda muzeydə təşkil olunmuş sərgiyə baxış keçirilib,  mövzu ilə bağlı stikerlər paylanılıb. 


 Görüşdə:  25     nəfər(  7-qadın, 9-qız, 9-oğlan )

 İcraçı: Vüsalə Abışova

 Mərkəz direktoru tərəfindən baxılıb.