Sahibə Qafarova Hulusi Akarla görüşdü
15-04-2025, 13:24
Oxunub: 592
Milli Məclisin sədri Sahibə Qafarova aprelin 16-da Azərbaycanda səfərdə olan Türkiyə Böyük Millət Məclisinin (TBMM) Milli Müdafiə Komitəsinin sədri Hulusi Akarla görüşüb.
Milli Məclisdən bildirilib ki, görüşdə qardaş ölkələrimiz arasında yüksək səviyyəli münasibətlərin ruhuna uyğun olaraq, parlamentlərimiz arasında da əlaqələrin uğurla inkişaf etdiyi vurğulanıb.
Hulusi Akar Şuşa və Xankəndiyə səfəri haqqında təəssüratını bölüşərək, həmin ərazilərdə böyük inkişaf və quruculuq işlərinin şahidi olduqlarını bildirib.
Azərbaycan torpaqlarının 30 ilə yaxın işğal altında qalmasının bölgədə çox ağır fəsadlar yaratdığını deyən Hulusi Akar ATƏT, AB kimi təşkilatların baxışlarının nə qədər zərərli olduğunu söyləyib. O, Azərbaycan Prezidenti İlham Əliyevin rəhbərliyi ilə torpaqlarımızın işğaldan azad olunmasının regionda yeni reallıqlar yaratdığını söyləyərək, Ermənistanın sülh sazişini imzalamaq üçün lazımi iradə göstərməsini və Azərbaycanın və Türkiyənin uzatdığı sülh əlini tutmasını arzuladığını bildirib.
Komitə sədri Prezident İlham Əliyevin Şimali Kipr Türk Cümhuriyyəti ilə bağlı mövqeyini çox yüksək qiymətləndirdiklərini vurğulayaraq, bu məsələdə də Azərbaycanın dövlət başçısının qəti iradəsinin şahidi olduqlarını deyib.
TBMM-in komitə sədri müdafiə, təhlükəsizlik, müdafiə sənayesinin inkişafında Azərbaycan və Türkiyənin böyük yol qət etdiklərini və ölkələrimizin bu istiqamətdə atdığı addımların heç bir üçüncü ölkəyə qarşı yönəlmədiyini bildirib.
Görüşdə qarşılıqlı maraq doğuran digər məsələlər haqqında da fikir mübadiləsi aparılıb.
Çox Oxunanlar
- 29-03-2025, 17:52 : Tarixdə ikinci dəfə yaşandı
İdman / Xəbərlər - 12-04-2025, 17:52 : Qanunsuz fəaliyyət göstərən taksi sürücüləri cərimələndi
Sosial / Xəbərlər - 19-04-2025, 16:51 : Sürücülərin NƏZƏRİNƏ- Bu yollarda güclü tıxac var
Sosial / Xəbərlər - 25-03-2025, 14:21 : Arda Güler "İnter" ə gedir?
İdman / Xəbərlər - 26-03-2025, 16:04 : Məşhur şounun azərbaycanlı iştirakçısı saxlanıldı
Şou-Biznes / Xəbərlər - 27-03-2025, 16:10 : Rusiyada turistlər qar uçqununa düşdülər
Dünya / Xəbərlər - 31-03-2025, 12:29 : Tərtərdə 31 Mart-Soyqırımı qurbanlarının xatirəsi ehtiramla anılıb
Bölgə / Xəbərlər - 28-03-2025, 10:47 : Millimiz son saniyə qolu ilə 1 xal qazandı
İdman - 31-03-2025, 11:04 : Türkiyənin məşhur müğənnisi konsert zamanı öldü
Şou-Biznes - 26-03-2025, 16:58 : Ərdoğan Zəngəzur dəhlizi ilə bağlı nələri açıqladı?
Dünya / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
