BolgeXeber.Com » Xəbərlər » Füzuli Ələkbərov cüdoçuların aksiyasına görə nazirliyə çağırıldı

Füzuli Ələkbərov cüdoçuların aksiyasına görə nazirliyə çağırıldı

2-03-2015, 12:34

Oxunub: 4 472 Gənclər və idman naziri Azad Rəhimov bu gün əmək haqlarının verilməməsinə etiraz edən cüdoçularla görüş keçirəcək

BOLGEXEBER.COM xəbər verir ki, Cüdo Federasiyasından Azvision.az-a daxil olan məlumata görə, günorta saatlarında baş tutacaq görüşdə federasiya prezidenti, əmək və əhalinin sosial müdafiəsi naziri Fizuli Ələkbərov da iştirak edəcək.

Bildirilib ki, görüş zamanı nazir cüdoçuların şikayətlərini dinləyəcək.

Qeyd edək ki, bir neçə gün öncə Azərbaycanın bir qrup cüdoçusu milli komandaların təlim-məşq bazası ("Neftçi"nin keçmiş bazası) qarşısında etiraz aksiyası keçirib.

Etirazçılar bildiriblər ki, artıq ilyarımdır əmək haqlarının verilməsində gecikmə halları müşahidə olunur. Maliyyə problemləri üzündən təlim-məşq toplanışları lazımi səviyyədə təşkil olunmur, kifayət qədər yarışda iştirak edə bilmirlər.
BOLGEXEBER.COM

Çox Oxunanlar